Իսպանիայի թագավորի կրտսեր դուստրն այսօր կներկայանա դատարան և ցուցմունք կտա կոոռւպցիայի և չարաշահումների գործի շրջանակներում։ Այս մասին հաղորդում է BBC-ն։
Քննիչները կարծում են, որ արքայադստեր ամուսինը՝ Ինյակի Ուրդանգարինը, հնարավոր է, հափշտակել է պետական միջոցներ Aizoon ընկերության միջոցով, որի գործընկերը եղել է արքայադուստրը։ Այս մեխանիզմով թագավորական ընտանիքի անդամները հափշտակել են, ըստ քննության, շուրջ վեց միլիոն եվրո։
Առաջին անգամ է, երբ Իսպանիայի թագավորական ընտանիքի անդամը նորագույն պատմության մեջ ներկայանում է դատարան՝ հանցագործություն կատարելու մեղադրանքով։ Քրիստինան համաձայնել է կամովին ներկայանալ դատարան և ցուցմունքներ տվել՝ ասելով, որ թաքցնելու ոչինչ չունի։
