Ադրբեջանի նախագահ Իլհամ Ալիևը հայտարարել է, որ Բաքուն չի դիտարկում Եվրոպական Միության հետ ասոցացման համաձայնագիր ստորագրելու տարբերակը։ Այս մասին հաղորդում է «ՌԻԱ Նովոստին»։
«Կարծում եմ, որ Ադրբեջանի և Եվրամիության միջև փոխհարաբերությունները միգուցե պահանջում են համագործակցության ավելի բարձր ձևաչափ, քան ասոցացումն է։ Բացի այդ, հենց «ասոցացում» բառն այդքան էլ ընդունելի չէ մեզ համար», — Դավոսում Համաշխարհային տնտեսական ֆորումի՝ իր ելույթի ժամանակ ասել է Ալիևը։
Ադրբեջանի նախագահը նաև նշել է, որ իրենք տարբեր ուղղություններով վաղուց համագործակցում են ԵՄ-ի հետ և գոհ են Էներգետիկ, տնտեսական և տրանսպորտի ոլորտներում իրականացվող այդ համագործակցության մակարդակից։
«Մեր առջև երբևէ ընտրության հարց չի դրվել. մենք համագործակցում ենք և´ Մաքսային միության, և´ Եվրոպական Միության հետ», — հավելել է նա։
