Ռուսական շանսոնի թագուհի Լյուբով Ուսպենսկայան եւ հայկական արմատներով հանրահայտ ջութակահար Էդգար Հակոբյանը Երեւան են ժամանել մի քանի ժամ առաջ: Այդ մասին վկայում է Հակոբյանի էջում հրապարակած լուսանկարը. «Դեպի տուն… Երեւան: Լյուբով Ուսպենսկայայի հետ», — մեկնաբանել է ջութակահարը: Ինչպես տեղեկացանք, փետրվարի 24-ին լրանում է Ուսպենսկայայի 60-րդ տարեդարձը: Այդ առիթով ռուսական Առաջին ալիքի «Пусть говорят» հաղորդաշարը հատուկ թողարկում է նկարահանում՝ նվիրված Լյուբով Ուսպենսկայային: Հայտնի է, որ երիտասարդ տարիքում երգչուհին ապրել եւ ելույթ է ունեցել Հայաստանում: Նկարահանումներն ընթանում են Երեւանում, Սեւանում եւ Ծաղկաձորում:
