Ուկրաինայի վարչապետի պաշտոնակատար է նշանակվել առաջին փոխվարչապետ Սերգեյ Արբուզովը։ Այս մասին «Ինտերֆաքսին» հայտնել է արդեն նախկին վարչապետ Նիկոլայ Ազարովի մամուլի քարտուղար Վիտալի Լուկյանենկոն։
«Նախագահը նախարարների կաբինետին հանձնարարել է շարունակել աշխատանքները մինչև նոր կառավարության կազմավորումը։ Դա նշանակում է, որ վարչապետի պաշտոնակատարի դերը ստանձնելու է առաջին փոխվարչապետը», — ասել է Լուկյանենկոն։
Հիշեցնենք, որ այսօր Ազարովը հրաժարական է տվել։
