Ուկրաինական Վոլին շրջանի Լուցք քաղաքում տեղադրվել է Իոսիֆ Ստալինի հուշարձանը: Այս մասին հաղորդում է Comments.ua-ն: Կիսանդրու բացմանը մասնակցել են տեղի կոմունիստները, ինչպես նաև հարևան Բելառուսի նրանց կուսակիցները:
Կոմունիստական կուսակցությունում Ստալինին անվանել են «ներկայիս Ուկրաինայի փրկիչ և միավորող, ինչպես նաև Եվրոպայի ազատարար՝ ֆաշիստական միավորումներից»: Ուկրաինայի հակաֆաշիստական հանձնաժողովի նախագահ Կոնոնովիչն ասել է, որ ուկրաինացիները պետք է միավորվեն «երկրից ֆաշիստներին դուրս քշելու համար», քանի որ Ուկրաինայում ներկայում տեղի է ունենում «նեոնացիստական հեղաշրջում»:
