Նյու Յորքի շրջակա միջավայրի վարչությունը մտադիր է ոչնչացնել ավել քան 2000 կարապ: Այս մասին հաղորդում է The New York Times-ը:
Նշվում է, որ կարապները պատկանում են այս շրջանում արգելված ինվազիվ տեսակին, որոնք ներթափանցել են Նյու յորքի շրջաններ և բազմանում են` գրավելով նոր տարածքներ: Բանն այն է, որ այս կարապները ոչնչացնում են տեղի բադիկների և սագերի բնական միջավայրը, ինչպես նաև վտանգավոր են օդանավերի համար:
Մինչև 2025 թվականը նախատեսվում է ոչնչացնել մինչև 2200 կարապ: Որոշ պուրակների թույլ կտան պահել այս կենդանիներին, եթե նրանք երաշխավորեն, որ կարապները չեն բազմանա:
