Ուկրաինայի նախագահ Վիկտոր Յանուկովիչը դիմել է իր համերկրացիներին՝ երկխոսության և փոխզիջումների գնալու կոչով՝ միևնույն ժամանակ իր կողմից վստահեցնելով, որ կանի հնարավոր ամեն բան հասարակական կարգը պահպանելու համար։ Հաղորդում է «Ինտերֆաքսը»։
«Ես երկխոսելու, փոխզիջումների գնալու, մեր հարազատ հողի վրա խաղաղություն հաստատելու կոչ եմ անում։ Ես պատրաստ եմ ծառայել պետությանը և մարդկանց քանի դեռ կբավարարեն իմ ուժերը և չեմ կորցնի ժողովրդի վստահությունը», — ասվում է Յանուկովիչի խոսքում՝ ուղղված Ուկրաինայի ժողովրդին։
Յանուկովիչը նաև վստահեցրել է, որ ջանք չի խնայի հասարակական կարգը պահպանելու, ինչպես նաև խաղաղ քաղաքացիների իրավունքները պաշտպանելու համար։
