Ուկրաինայի նախագահ Վիկտոր Յանուկովիչը պահանջել է անհապաղ ազատ արձակել բոլոր կալանավորված լրագրողներին։ Այս մասին տեղեկանում ենք «Ինտերֆաքսից»։
«Լրագրողները կատարում են իրենց պրոֆեսիոնալ պարտականությունները, և հարկավոր է հաշվի առնել այն հանգամանքը, որ նրանք կարող են տարբեր իրավիճակներում հայտնվել։ Ես խնդրում եմ ըմբռնումով մոտենալ հարցին և հնարավորության դեպքում դուք էլ նպաստեք նրանց կատարած աշխատանքին», — ահա այսպես է պատասխանել Յանուկովիչը լրագրողներից մեկի հարցին։
Ուկրաինայի նախագահը ԶԼՄ-ների ներկայացուցիչներին հավաստիացրել է, որ կալանավորված լրագրողները կարճ ժամանակում ազատ են արձակվելու։
