Ուկրաինայի նախագահ Վիկտոր Յանուկովիչը կարող է հայտարարել արտահերթ նախագահական և խորհրդարանական ընտրությունների մասին։ Այս մասին նախօրեին հայտարարել է «Իշխող ռեգիոնների» կուսակցության պատգամավոր Վլադիմիր Օլեյնիկը՝ մեկնաբանելով իրենց ֆրակցիայի պատգամավորների հանդիպումը նախագահի հետ։ Այս մասին հաղորդում է ITAR-TASS գործակալությունը։
«Նա (նախագահը — խմբ․) խոսել է ոչ միայն խորհրդարանը ցրելու, նա անկեղծ ասում էր նաև նախագահական ընտրությունների մասին», — ասել է Օլեյնիկը։
Հիշեցնենք, որ նախօրեին համաներման մասին օրինագիծը քննարկելիս, Յանուկովիչն անսպասելի ժամանել է Ռադա, քանի որ, ըստ ուկրաինական աղբյուրների, երկրի խորհրդարանում Յանուկովիչի կուսակցության ներկայացուցիչների մի մասը պատրաստվում էր կողմ քվեարկել ոչ թե կառավարության, այլ ընդդիմության ներկայացրած օրինագծին։
