Հայտնի է, որ այս տարվա հունիսին Բրազիլիայում մեկնարկելու է ֆուտբոլի աշխարհի առաջնությունը, որը կայանում է ամեն 4 տարին մեկ անգամ: Աշխարհի թիվ մեկ սպորտի այս կարևորագույն ստուգատեսի հիմնը, որը կոչվելու է «Մենք միասնական ենք» (We Are One (Olе Ola)), կատարելու են Ջենիֆեր Լոպեսն ու ռեփեր Փիթբուլը, ինչպես նաև բրազիլացի երգչուհի Կլաուդիա Լեյտեն:
Նրանք հանդես են գալու Աշխարհի առաջնության բացման արարողությանը Սան Պաուլոյում 2014 թվականի հունիսի 12-ին:
Երգն արդեն ձայնագրված է, իսկ տեսանյութը լինելու է բրազիլական կառնավալի տեսքով: Համացանցում հայտնվել են Ֆլորիդայում կատարված նկարահանումների որոշ տեսանյութեր:
