2014 թվականի հունվարին Թուրքիայի ռազմաօդային ուժերից հրաժարական է տվել 47 օդաչու: Այս մասին հայտարարել է Թուրքիայի պաշտպանության նախարար Իսմեթ Յըլմազը: Այս մասին հաղորդում է Milliyet-ը: Նախարարը, սակայն, չի հրապարակել, թե հատկապես ինչու են այդքան մեծ թվով օդաչուներ լքել պաշտպանական գերատեսչությունը:
Հայտնի է նաև, որ նախորդ երկու տարիներին այդ թիվը կազմել է 300 օդաչու: Նրանք հիմնականում աշխատել են F-16 և F-4 օդանավերի հետ: Նախարարի խոսքերով, այս հրաժարականները հանգեցրել են օդաչուների մեծ պահանջարկի, սակայն դրանք չեն կարող թուլացնել Թուրքիայի ռազմաօդային ուժերը:
