Ինչպս ավելի վաղ տեղեկացրել էինք, այսօր Երևանի Կարեն Դեմիրճյանի անվան մետրոպոլիտենի աշխատակիցները բողոքի ակցիա էին կազմակերպել՝ ընդդեմ կենսաթոշակային պարտադիր կուտակային համակարգի: Բողոքի ակցիան անցկացրել են մետրոպոլիտենի գլխավոր վարչության շենքի առջև: Մետրոպոլիտենի աշխատակիցները տնօրինությանն են հանձնել 100-ից ավելի աշխատակիցների ստորագրությամբ նամակ, իսկ տնօրինությունը խոստացել է աշխատակիցների նամակին պատասխանել մեկ շաբաթից: Araratnews.am-ի լրագրողի հետ զրույցում մետրոպոլիտենի աշխատակիցները նշել են, որ իրենց աշխատավարձներն առանց այդ էլ շատ ցածր են, և որ անգամ 3000-5000 դրամ հետպահումները իրենց համար մեծ նշանակություն ունեն: Նրանք նշել են, որ տնօրինության պատասխանից պարզ կլինի, թե որը կլինի իրենց հաջորդ քայլը:
