Շոտլանդիան անկախության հանրաքվե անցկացնելու դեպքում կզրկվի բրիտանական ֆունտ ստերլինգն օգտագործելու հնարավորությունից: Այս մասին հայտարարել է Մեծ Բրիտանիայի ֆինանսների նախարար Ջորջ Օսբորնը: Հողրդում է BBC-ն:
Նրա խոսքերով` պատճառներ չկան, որով երկիրն իր արտարժույթը կիսի անկախ Շոտլանդիայի հետ: Նա նկատել է, որ «ֆունտ ստերլինգը ինչ-որ խտասկավառակ չէ, որն ապահարզանից հետո կարելի է կիսել»: Եթե սեպտեմբերին շոտլանդացիները կողմ քվեարկեն անկախությանը, ապա կզրկվեն աշխարհի ամենահզոր արտարժույթներից մեկն օգտագործելու հնարավորությունից և ստիպված կլինեն ստեղծել իրենց ազգային արտարժույթը:
Մինչդեռ Շոտլանդիայի կառավարությունում մինչև հիմա կարծում էին, որ կկարողանան պահպանել միասնական արտարժույթ:
