Միջազգային օլիմպիական կոմիտեի բժշկական հանձնաժողովի նախագահ Արնե Լյունգկվիստը հայտարարել է, որ մարիխուանան այն խթանիչների թվում է, որոնք արգելված են մարզիկների համար։ Այս մասին հայտնում է «Ինտերֆաքսը»։
«Այդ հարցի շուրջ երկար ժամանակ քննարկումներ ենք անցկացրել։ Ընդհանուր եզրակացությունն այն է, որ մարիխուանան իսկապես կարող է հավելյալ խթանիչ հանդիսանալ մարզիկների համար, որի շնորհիվ նրանք կարող են լավագույն արդյունքների հասնել։
Սակայն պետք է նշեմ, որ մարիխուանան արգելված է մարզիկների համար մրցումների ժամանակ, բայց ոչ դրանից դուրս», — ասել է Լյունգկվիստը։
