Հռոմի պապ Ֆրանցիսկոսի Harley Davidson մոտոցիկլը, որը նվիրվել էր «Կարիտաս Ռոմա» բարեգործական կազմակերպությանը, աճուրդում վաճառվել է 241,5 հազար եվրոյով: Աճուրդը կազմակերպվել է Փարիզում Bonhams աճուրդների տան կողմից: Այս մասին հաղորդում է Le Parisien-ը:
Կազմակերպիչները մտադիր էին այն վաճառել ընդամենը 12-15 հազար եվրոյով: Այս մոտոցիկլը Հռոմի պապին նվիրել էին 2013 թվականին Հռոմում՝ Harley Davidson-ի 110-ամյակի կապակցությամբ: Մի քանի ամիս անց այն նվիրաբերվել էր «Կարիտաս Ռոմա» բարեգործական կազմակերպությանը: Այս գումարով հիմնադրամը կարող է վերակառուցել չքավորների համար նախատեսված ճաշարանը և հանրակացարանը:
