Հնդկաստանի դատարանը չի հրաժարվել միասեռական կապերի վրա դրված արգելքից

Հնդկաստանի գերագույն դատարանը հրաժարվել է վերանայել իր իսկ կողմից դեկտեմբերին ընդունված որոշումը, որով արգելվում են միևնույն սեռի ներկայացուցիչների միջև սեռական հարաբերությունները։

Դատարանը որոշում է ընդունել, որ միայն խորհրդարանը կարող է փոփոխություններ կատարել Քրեական օրենսգրքում։

Ինչպես հայտնում է BBC-ն, Հնդկաստանում միասեռական կապեր ունենալու համար դատարանը 10 տարվա ազատազրկում է նախատեսել։