Այս տարի Հայաստանում առաջին անգամ փետրվարի 24-ից մարտի 2-ը կանցկացվեն Համահայկական ձմեռային խաղեր: Խաղերին կմասնակցի շուրջ 300 մարզիկ աշխարհի տարբեր երկրներում ապրող հայերից:
Համահայկական խաղերի համաշխարհայի կոմիտեի մամուլի քարտուղար Աննա Վարդանյանը նշում է, որ խաղերն անցկացվելու են 4 մարզաձեւրումˋ դահուկ, լեռնադահուկ, սնոուբորդ եւ տափողակով հոկեյ:
Հոկեյն անցկացվելու է Երեւանի Կարեն Դեմիրճյանի անվան մարզահամերգային համալիրում:
«Առաջին անգամ է, որ ձմեռային խաղեր են անցկացվում: Ամառային հինգերորդը անցկացվել է 2011-ին, իսկ ձմեռայինն առաջինն է: Մասնակից երկրների թիվը դեռեւս հստակ չէ, քանի որ հայտերը մինչեւ հիմա գալիս են: Ամենակարևորըˋ պարտադիր չէ, որ պրոֆեսիոնալ լինեն մասնակիցները, կարող են լինել սիրողական մակարդակի դահուկորդներ»,- ասում է Վարդանյանը:
Համահայկական խաղերի բացմանը եւ փակմանը ներկա կլինի նաեւ ՀՀ նախագահ Սերժ Սարգսյանը: Որոշ մրցանակներ կհանձնվեն նաեւ ՀՀ նախագհի կողմից:
