700 միլիոն դոլար ծավալով և 6.25% եկամտաբերությամբ, 7 տարի մարման ժամկետով եվրապարտատոմսերի թողարկումը բարձր գնահատականի է արժանացել միջազգային հեղինակավոր կազմակերպությունների կողմից: Այս մասին այսօր լրագրողների հետ հանդիպման ժամանակ ասաց ՀՀ ֆինանսների նախարար Դավիթ Սարգսյանը: Նրա խոսքով։ ի սկզբանե մեր պարտատոմսերի պահանջարկը բավականին բարձր էր՝ մոտ 3 միլիարդ դոլար, իսկ թողարկումից հետո, մեծ պահանջարկի ու վստահության շնորհիվ, տոկոսադրույքները զգալիորեն նվազեցին՝ այս տարվա հունվարի 22-ին դրանք հասել են 5.8%-ի:
