Պաղեստինյան ՀԱՄԱՍ խմբավորումը, որն ամբողջությամբ վերահսկում է Գազայի հատվածը, Պաղեստինյան ինքնավարության նախագահ Մահմուդ Աբբասից պահանջել է՝ դադարեցնել բանակցություններն Իսրայելի հետ: ՀԱՄԱՍ-ի հայտարարության մեջ ասվում է, որ իրենք երբեք չեն համաձայնի երկու պետություն երկու ժողովրդի համար սկզբունքի հետ և չեն հրաժարվի պաղեստինյան հողի գեթ մեկ թիզից:
«Մենք երբեք չենք համաձայնի «երկու պետություն» սկզբունքի հետ և պնդում ենք, որ պաղեստինյան ժողովրդի արդյունավետ միակ միջոցը և հողերի ազատագրումը հնարավոր են բոլոր միջոցներով, նախ և առաջ` զենքով»,- ասվում է հայտարարության մեջ:
Հիշեցնենք, որ ներկայում ԱՄՆ-ի միջնորդությամբ տեղի են ունենում պաղեստինա-իսրայելյան բանակցություններ, որոնք կտևեն մինչև ամառ: Փորձագետները նշում են, որ արդյունքի հասնելու հնարավորությունները փոքր չեն:
