«ՈւԴԱՌ» կուսակցության առաջնորդ Վիտալի Կլիչկոն համաձայնության է եկել Գրուշևսկու փողոցում դիմակայող ցուցարարների և ոստիկանության միջև: Այս մասին հաղորդում է ՈւՆԻԱՆ-ը:
Ընդդիմադիրն ասել է, որ այժմ գնում է նախագահ Վիկտոր Յանուկովիչի հետ, որպեսզի համաձայնեցնի հունվարի 16-ին ստորագրված օրենքները չեղյալ հայտարարելու մասին, ինչպես նաև Ուկրաինայի կառավարության, Ներքին գործերի նախարարության հրաժարականի և Գերագույն Ռադային արտահերթ ընտրությունների մասին:
Կլիչկոն ցուցարարներին կոչ է արել՝ չգրոհել իրավապահների վրա, քանի դեռ չեն ավարտվել բանակցությունները: Կլիչկոն նաև ասել է, որ համաձայնության է եկել «Բերկուտի» հետ, որ նրանց կողմից էլ հարձակում չլինի:
