Սպորտային կազմվածքով շուրջ 50 երիտասարդ, այս գիշեր, փայտերով և մահակներով հարձակվել են Ուկրաինայի մայրաքաղաքի կենտրոնում գտնվող գեյ-ակումբի վրա։ Այս մասին հաղորդում են ուկրաինական լրատվամիջոցները։ Ակումբի մուտքի մոտ այդ խումբը ծեծի է ենթարկել այդտեղ հավաքված մարդկանց, սակայն չի կարողացել ներխուժել ներս, քանի որ հանդիպել է անվտանգության աշխատակիցների դիմադրությանը։
Հարձակվողներին հաջողվել է նռնակ նետել ակումբից ներս։ Սա առաջին դեպքը չէ, երբ Կիևի կենտրոնում գործող սադրիչները փորձում են ներխուժել այս ակումբ։
