Երեկ Կարմիր խաչի միջազգային կոմիտեիˋ ադրբեջանական գրասենյակի ներկայացուցիչները հանդիպել են հայ ռազմագերի Հակոբ Ինջիղուլյանի հետ: Այս մասին Araratnews.am-ին հայտնում է Կարմիր Խաչի միջազգային կոմիտեի հայկական գրասենյակիˋ հաղորդակցման բաժնի ղեկավար Զառա Ամատունին:
«Կարմիր խաչի միջազգային կոմիտեի անդամները այցելել են մեր ռազմագերուն, փոխանակել են ընտանեկան բովանդակության նամակներ: Այս հարցը մեր ուշադրության կենտրոնում է, եւ մեր գործընկերները Բաքվում մշտապես աշխատում են Ադրբեջանի իշխանությունների հետ նրան վերաբերվող բոլոր հարցերի շուրջ»,-ասում է Ամատունին:
Հիշեցնենք, որ 1991թ-ին ծնված շարքային զինծառայող Հակոբ Գեւորգի Ինջիղուլյանը գերի էր ընկել օգոստոսի 7-ի լույս 8-ի գիշերը` ժամը 3:00-ի սահմաններում, ծառայություն իրականացնելու ժամանակ:
