Մադրիդի «Ռեալը» չի կարողացել համաձայնության գալ թիմի կիսապաշտպան Սամի Խեդիրայի հետ, որին առաջարկել էր նոր պայմանագիր: Այս մասին հաղորդում է Fichajes: Խեդիրայի հետ նոր պայմանագրի ժամկետը լրանում է 2015 թվականին, ինչի հետևանքով «արքայական ակումբը» ցանկանում էր արագ համաձայնության գալ նրա հետ, որպեսզի չկորցնի ֆուտբոլիստին:
Գերմանացին դժգոհ է եղել նոր պայմանագրի պայմաններից: Ստեղծված իրավիճակով շատ հետաքրքրված է Դորտմունդի «Բորուսիան», որը ձգտում է իրականացնել ֆուտբոլիստի տրանսֆերը: Գերմանացիները պատրաստ են մոտ ապագայում սկսել բանակցությունները:
