Լիբիայի ներքին գործերի նախարարի դեմ մահափորձը ձախողվել է

Լիբիայի ներքին գործերի նախարար Սադիք Աբդուլ-Քարիմը հաստատել է իր դեմ մահափորձ կատարելու վերաբերյալ ավելի վաղ մամուլում հրապարակված տեղեկությունը։ Հաղորդում է BBC-ն։

Նախարարն ասել է, որ իրեն փորձել են սպանել, երբ հանդիպման է գնացել։ Մամուլի ասուլիսի ժամանակ Աբդուլ-Քարիմը հայտարարել է, որ Լիբիային փամփուշտներով, ռումբերով և հրթիռներով հնարավոր չէ վախեցնել։

Հիշեցնենք, որ 2011 թվականի հոկտեմբերին Մուամմար Քադդաֆիի վարչակարգի տապալումից հետո Լիբիայում շարունակվում են զանազան բախումները ռազմականացված տարբեր խմբավորումների միջև։