ՄԱԿ-ի փախստականների գրասենյակի հաղորդմամբ՝ շարունակական մարտերի և գրոհայինների հարձակումների հետևանքով Իրաքի Անբար նահանգից հեռացածների թիվը հասել է շուրջ 140 հազարի։
Ինչպես հայտնում է BBC-ն, նահանգի 2 գլխավոր քաղաքները գրավվել են գրոհայինների կողմից, ովքեր կապեր ունեն «Ալ Քաիդայի» հետ։
«Իրաքի և Լևանտի իսլամական պետություն» ծայրահեղական իսլամիստական խմբավորման սուննի մուսուլմանները ևս սկսել են հարձակումները կառավարական զորքերի վրա այն բանից հետո, երբ զինվորականները հունվարի սկզբին գրավել են ապստամբների մի քանի ճամբարներ։
