«Ժողովուրդ»-ի տեղեկություններով՝ Արմավիրի մարզի Լուսագյուղ համայնքում վերջին շրջանում շատացել են գողության դեպքերը: Մեզ տեղեկություններ հասան, որ հունվարի 18-ին գյուղում գողացել էին բնակիչներից մեկի ջերմոցների երկաթները, եւ այս օրերին գյուղի մի շարք երիտասարդների տանում են ոստիկանություն՝ ցուցմունք վերցնելու: «Ժողովուրդ»-ի հետ զրույցում համայնքի ղեկավար Սարիբեկ Կարապետյանը նշեց, որ նման դեպք եղել է, ու գողացել են բնակիչներից մեկի ջրի պոմպը. «Տանտերն այս պահին Ռուսաստանում է ու պետք է գա, որ կատարվածի մասին դիմում գրի: Իսկ ինչ վերաբերում է երիտասարդներին հարցաքննելուն, ապա նման բան չկա»:
Այս և այլ նորություններ «Ժողովուրդ» օրաթերթի այսօրվա համարում
