Թմրանյութերի նկատմամբ կախվածություն ունեցող կոնգրեսականը հրաժարական է տվել

Կոնգրեսական Թրեյ Ռեյդելը որոշել է հեռանալ քաղաքականությունից կոկաին օգտագործելու հետ կաված սկանդալի պատճառով։ Այս մասին The New York Daily News-ին հայտնել է քաղաքական գործչի ներկայացուցիչը։

Ռեյդելը Կոնգրեսում ներկայացրել է Ֆլորիդա նահանգը 2012 թվականից։ Հրաժարական տալուց հետո նահանգապետ Ռիկ Սքոթը նոր ընտրություններ կնշանակի։

Հիշեցնենք, որ կոնգրեսականը նախորդ տարի ձերբակալվել էր ոստիկանության գաղտնի գործակալից կոկաին գնելու պահին, որից հետո խոստովանել էր, որ թմրամոլությունը երկար տարիների ընթացքում ալկոհոլային կախվածություն ունենալու հետևանք է։