Եվրամիությունն ու Ռուսաստանը կրկին սկսել են բանակցել Արևելյան գործընկեր պետությունների հետ ընդհանուր ազատ առևտրի գոտոի ստեղծելու վերաբերյալ, որի նպատակն է Ռուսաստանին համոզել, որ այդ համաձայնագիրը որևէ կերպ չի վնասում Ռուսաստանին: Այս մասին հաղորդում է EU Observer-ը:
Նման հայտարարություն արել են եվրոպացի պաշտոնյաները՝ Ռուսաստանի նախագահի հետ հանդիպումից հետո, որը կայացել է նախօրեին՝ ԵՄ-Ռուսաստան գագաթնաժողովի ժամանակ: Եվրամիության նախագահ Հերման վան Ռոմպոյն ասել է, որ Ուկրաինայի իրավիճակը մանրամասնորեն չի քննարկվել, փոխարենը կողմերը խոսել են ԵՄ-ի ու Ռուսաստանի միջև հարաբերություններն ավելի սերտացնելու մասին:
«Մենք դեմ ենք բլոկային պատերազմներին: Պետք է փոխել այդ ընկալումը և հասնել նրան, որ մեկի հաջողությունը չհամարվի մյուսի ցավը», — ասել է Եվրահանձնաժողովի նախագահ Ժոզե Մանուել Բարոզուն:
