Արդեն մի քանի օր է, ինչ մամուլում լուրեր է շրջանառվում այն մասին, որ Սյունիքի նախկին մարզպետ Սուրեն Խաչատրյանը պատրաստվում է հեռանալ Հայաստանից ընդմիշտ և որ վաճառում է իր ունեցվածքի մեծ մասը: Araratnews.am-ի լրագրողը այս հարցի շուրջ փորձել է պարզաբանում ստանալ հենց Սուրիկ Խաչատրյանից, ով վստահեցրել է, որ չի պատրաստվում լքել Հայաստանը և որ այդ թեմայով շրջանառվող բոլոր խոսակցություններն անլուրջ են:
«Ես շատ եմ սիրում իմ երկիրը և հնարավորինս փորձում եմ ամեն ինչ անել էս երկրի համար, իսկ այդ բոլոր խոսակցություններն անլուրջ են»,- ասել է նա:
Հարցին, թե ճի՞շտ են, արդյոք, լուրերն այն մասին, որ ինքը վաճառում է իր ունեցած հիմնարկությունների, բիզնեսների մի մասը , Սուրիկ Խաչատրյանը պատասխանել է, որ այդ լուրերը ևս չի համապատասխանում իրականությանը. «Ես ոչինչ չեմ ծախելում և իմ սիրելի երկրից որևէ տեղ չեմ գնալու, որովհետև էս երկիրն ինձ համար թանկ ա: Չենք թողնի էս երկիրը վատ մարդկանց»,- նշել է Սյունիքի նախկին մարզպետը:
Araratnews.am-ի լրագրողի հաջորդ հարցին, թե այդ դեպքում ըստ Ձեզ ինչից են առաջացել նման ստահոդ լուրերը, Սուրիկ Խաչատրյանը պատասխանել է.«Այ, իսկ թե ինչից է առաջացել իրականությանը չհամապատասխանող լուրերը, դուք ավելի լավ կիմանաք, քանի որ դա ձեր մասնագիտականն է»:
Էմմա Պալյան
