Թուրքիայի նախագահի հեռախոսը գաղտնալսվել է` երկրում կոռուպցիոն գործի հետաքննության ժամանակ: Այս մասին հայտարարել է անձամբ վարչապետ Ռեջեփ Թայիպ Էրդողանը: Հաղորդում է Haber7-ը:
Նրա խոսքերով` գաղտնալսվել են նաև այլ պաշտոնյաների հեռախոսազանգեր: Թուրքիայի հետախուզությունն ավելի վաղ պարզել էր այն սարքերի տեղակայման վայրերը, որոնց միջոցով իրականացվել էր գաղտնալսումը:
Հիշեցնենք, որ իշխանական և գործարար շրջանակներում կոռուցիոն սկանդալի հետևանքով ձերբակալվել է ավելի քան 50 մարդ, որոնց թվում են երեք նախկին նախարարների որդիներ: Կոռուպցիոն սկանդալից հետո Էրդողանը հայտարարեց, որ այն հրահրվում է արտասահմանից: Որոշում կայացվեց պաշտոնանկ անել կառավարությանը, ինչպես նաև տեղափոխություններ կատարել ոստիկանությունում:
