Ամերիկացի դերասաններ Բրյուս Ուիլիսն ու Բիլ Մյուրեյը նկարահանվելու են Աֆղանստանում տաղանդի մրցույթի մասին «Շարժիր ամրոցը» կատակերգական ֆիլմում։
Ինչպես հաղորդում է Deadline-ը, նրանց հետ ֆիլմում նկարահանվելու են Շայեյ Լաբեֆը, Քեյթ Հադսոնը, Զոի Դեշանելը և Դենի Մըքբրայդը։
Բիլ Մյուրեյը լինելու է ֆիլմի գլխավոր դերակատարը, ով երաժշտական պրոդյուսերի դեր է խաղալու։ Իսկ թե ինչ դերակատարում են ստանձնելու վերոնշյալ մյուս դերասանները, դեռ հայտնի չէ։
Ֆիլմի ռեժիսորը Բարի Լևինսոնն է, սցենարի հեղինակը՝ Միչ Գլեյզերը։ Նկարահանումները մեկնարկելու են 2014 թվականին։ Ֆիլմի պրեմիերայի ժամկետը դեռ որոշված չէ։
