Արգենտինայի մայրաքաղաք Բուենոս Այրեսի պահեստներից մեկում բռնկված կրակը մարելու ժամանակ 9 հրշեջ է մահացել, ևս յոթը տուժել են։ Այս մասին հայտնում է Associated Press-ը։
Տեղական իշխանությունները հաղորդում են, որ դժբախտությունը տեղի է ունեցել այն ժամանակ, երբ այրվող շենքի պատերից մեկը փլուզվել է։
Այս պահին տուժածներին բժշկական օգնություն է ցուցաբերվում։ Նրանք բոլորը գտնվում են ծանր վիճակում։ Միջադեպի կապակցությամբ Արգենտինայի նախագահ Կրիստինա Ֆերնանդես դե Կիրշները երկրում երկօրյա սուգ է հայտարարել։
