Երեկ ամերիկյան Նյու Ջերսի նահանգի Թիթերբորո քաղաքի օդանավակայանի մաքսային ծառայության աշխատակիցները որոշ ժամանակ ստիպված են եղել կանադացի սկանդալային երգիչ Ջասթին Բիբերին պահել օդանավակայանի տարածքում, քանի որ կասկած կար, որ նրա ինքնաթիռում թմրանոյւթ կա։ Այս մասին հաղորդում է ABC հեռուստաալիքը։
Բիբերն ուղևորվում էր Նյու Ջերսիի Բերգեն քաղաք, որտեղ կայանալու է ամերիկյան ֆուտբոլի առաջնության եզրափակիչը։ Սակայն մաքսային ծառայության աշխատակիցները օդանավում մարիխուանայի հոտ էին առել և Բիբերին խնդրել չլքել օդանավակայանը։ Ինքնաթիռը շներով խուզարկելուց և Բիբերի հետ զրուցելուց հետո՝ նրան բաց են թողել։
