Բրիտանացի գիտնականները զգուշացնում են ականջակալներով երաժշտություն լսողներին, որ բարձր ձայնը կարող է բերել լսողության վատթարացմանը: Ընդ որում, ապագայում նրանք չեն կարողանա վերականգնել այն:
Խուլերի և վատ լսողություն ունեցողների բրիտանական ակզմակերպության մասնագետները հարցում են անցկացրել նորմալ լսողություն ունեցող 1000 մարդկանց շրջանում, ովքեր սիրում են երաժշտություն լսել զբոսանքի ժամանակ կամ տրանսպորտում: Հարցվածների 30%-ը պատասխանել է, որ երաժշտություն լսում է շատ բարձր և խնդիրներ չունի:
Սակայն մասնագետներն ասում են, որ ամեն 10-րդը տառապում է տինիտուսից` ականջներում մշտական աղմուկից: Այս վիճակը միշտ ուղեկցվում է վախով և անօգնականության զգացումով, ինչպես նաև դեպրեսիվ զգացումներով:
