Ավելի քան հարյուր ալբանացի սպանելու համար սերբերն ազատազրկման են դատապարտվել

Այսօր Բելգրադի Գերագույն դատարանի հատուկ բաժանմունքը տարբեր ժամկետներով ազատազրկման է դատապարտել Կոսովոյում 1999 թվականին 120 ալբանացի խաղաղ բնակիչների սպանության համար մեղադրվող 11 սերբերից 9-ին։ Այս մասին հաղորդում է «ՌԻԱ Նովոստին»։

Դատարանը 9 մեղադրյալներին 2-ից 20 տարով ազատազրկման է դատապարտել։ Նրանք այս որոշումը բողոքարկելու հնարավորություն ունեն։

Նշենք, որ դատապարտյալները հանդիսանում էին «Շնագայլեր» ռազմականացված խմբավորման անդամներ, որը դաժան հանցագործություններ էր կատարել Չուշկա, Զախաչ, Պավլան և Լուբենիչ գյուղերում։

Խմբավորման առաջնորդ Նեբոյշա Մինիչը ձերբակալվել էր դեռ 2005 թվականին Արգենտինայում, սակայն արտահանձնման շրջանակներում իրանացված բուժման ժամանակ մահացել էր ՁԻԱՀ-ից։