Պակիստանում դատարանը մահապատժի է դատապարտել մի բրիտանացու, ով մեղավոր է ճանաչվել աստվածանարգության մեջ։ Այս մասին հայտնում է BBC-ն։
Մոհամմադ Ասգարը ձերբակալվել է 2010 թվականին այն բանի համար, որ իրեն իսլամի մարգարե է անվանել։ Ասգարի փաստաբանները դիմել են դատարանին պատիժը մեղմացնելու համար՝ նշելով, որ մեղադրյալը հոգեկան մի շարք խանգարումներ ունի։ Սակայն բժշկական հանձնաժողովը բրիտանացուն մեղսունակ և հոգեկան առողջ է ճանաչել։
Ասգարի փաստաբանները մտադիր են բողոքարկել դատարանի կայացրած վճիռը։
