Աշխարհում ամենալավ հյուրանոցները գտնվում են Շվեյցարիայում, Հոնգ Կոնգում և Մալդիվներում: Այս մասին է վկայում TripAdvisor զբոսաշրջային պորտալի կողմից հրապարակված ամենամյա վարկանշային աղյուսակը:
Առաջին հորիզոնականում շվեյցարական Grand Hotel Kronenhof-ն է, որը գտնվում է Պոնտրեզինա քաղաքում: Երկրորդը հոնգկոնգյան The Upper House-ն է, իսկ երրորդը` մալդիվյան Լանկաֆուշի կղզում գտնվող Gili Lankanfushi Maldives հյուրանոցն է: Լավագույն տասնյակում են նաև Nayara Hotel, Spa & Gardens (Կոստա Ռիկա), The Oberoi Udaivilas (Հնդկաստան), Casa Gangotena (Էկվադոր), Lindos Blu (Հունաստան), The St. Regis Punta Mita Resort (Մեքսիկա), Trump International Hotel & Tower Toronto (Կանադա):
Ընդհանուր առմամբ, այս վարկանշային աղյուսակում ներառվել է 7123 հյուրանոց: Ամենաշատը գտնվում է Իտալիայում` 152 հյուրանոց, որին հետևում են Մեծ Բրիտանիան (145), ԱՄՆ-ն և Ֆրանսիան (144-ական):
