«Սիրիական էլեկտրոնային բանակ» հաքերային խմբավորմանը հաջողվել է կարճ ժամանակով իրենց վերահսկողության տակ վերցնել CNN հեռուստաալիքի հաշիվները Facebook եւ Twitter սոցցանցերում։
«Այստեղ եղել է սիրիական էլեկտրոնային բանակը»։ Դադարեցրեք խաբելը։ Բոլոր ձեր ռեպորտաժները կեղծ են»,- ասվել է Twitter-ի ջարդած էջում թողնված հաղորդագրություններից մեկում։
Twitter-ի իրենց էջում խմբավորման անդամները հայտարարել են, որ CNN-ը «կոպիտ ստում է» այն ամենի մասին, ինչը կատարվում է Սիրիայում, իսկ ամերիկյան ԶԼՄ-ները ջանում են ծածկել, որ «Ալ Կաիդային» ֆինանսավորում է Ամերիկայի կենտրոնական հետախուզությունը։
CNN-ի կայքէջում նշված է, որ հաքերների հաղորդագրությունները ջնջվել են մի քանի րոպե հետո։ Ներկա դրությամբ հեռուստաալիքը վերականգնել է իր հասանելիությունը սոցցանցերում։
«Սիրիական էլեկտրոնային բանակ»-ը (Syrian Electronic Army)՝ Սիրիայի նախագահ Բաշար Ասադին աջակցող հաքերների խումբ է։ Նրանք պարբերաբար հարձակվում են աշխարհի առաջատար կազմակերպությունների վրա եւ տարածում են հաղորդագրություններ, որոնք աջակցում են Ասադին եւ գործող ռեժիմին։
