ԱՄՆ-ի Տեխաս նահանգի 16-ամյա բնակիչ Մաքենզի Ուեզինգթոնը երեկ հայտնվել է հիվանդանոցում՝ պարաշյուտով անհաջող թռիչքից հետո։ Հայտնի է, որ պարաշյուտը չի բացվել, և ամերիկուհին վայր է ընկել 900 մետր բարձրությունից։ Նա կենդանի է մնացել, թեպետ ունի բազմաթիվ կոտրվածքներ։
Մաքենզին ծնողների թույլտվությամբ էր մասնակցել այս թռիչքին՝ մանավանդ, որ ավելի վաղ դա արել էր նրա հայրը։ Բժիշկները ապշած են, քանի որ անահավանական է, երբ մարդը կենդանի է մնացել այդ բարձրությունից ընկնելուց։ Թեպետ Մաքենզին դեռ մի քանի շաբաթ կբուժվի, այդուհանդերձ, մոտ օրերս, նա կլքի հիվանդանոցի վերակենդանացման բաժինը։
