ԱՄՆ ուռուցքաբանները դրական գնահատական են տալիս ռուս երգչուհի Ժաննա Ֆրիսկեի առողջական վիճակին,- հաղորդում է «Նորությունների ռուսական ծառայություն» գործակալությունը։
Ներկայումս երգչուհին բուժվում է Նյու Չորքի հիվանդանոցներից մեկում։ Անցյալ շաբաթ նրա ընտանիքը պատմել էր, որ Ֆրիսկեի մոտ հայտնաբերվել է գլխուղեղի ուռուցք, եւ արտիստուհու բուժման համար դրամահավաք էր կազմակերպվել։
Գործակալության տվյալներով, այդ ուռուցքը ճյուղավորումներ չի տալիս եւ բուժվում է վիրահատական ու ճառագայթային միջամտությամբ։
