Երեքշաբթի օրը կայացել է բարեգործական աճուրդ, որի ժամանակ վաճառքի էին հանվել ՊՍԺ-ի շվեդ ֆուտբոլիստ Զլատան Իբրահիմովիչի իրերը։ Այս մասին հաղորդում է գերմանական Sport1.de կայքը:
Այս աճուրդի արդյունքում հիվանդ երեխաներին աջակցող հիմնադրամին փոխանցվել է 190 հազար եվրո, որոնցից 22 հազարը վճարել է Իբրահիմովիչի խաղակոշիկների գնորդը: Ամենամեծ գումարը վճարվել է գնդակի համար, որին առաջին անգամ հարվածել է Իբրահիմովիչը` տեղափոխվելով ՊՍԺ: Այդ գնդակի համար վճարվել է 24 հազար եվրո:
