«Բոկո հարամ» իսլամիստական կազմակերպության ծայրահեղականները Նիգերիայի հյուսիսում գտնվող Բորնո նահանգի Ալաու Նգավո գյուղում 18 մարդու են գնդակահարել։
Ինչպես հաղորդում է «ԻՏԱՐ-ՏԱՍՍ»-ը, 2009 թվականին կազմակերպության ստեղծումից հետո ահաբեկիչների գործողությունների զոհ է դարձել ավելի քան 1000 մարդ։
Նշենք, որ «Բոկո հարամի» նպատակն է Նիգերիայի հյուսիսում, որտեղ մուսուլմաններն իրենց թվաքանակով զգալիորեն գերազանցում են քրիստոնյա բնակչությանը, իսլամական խալիֆաթ ստեղծելը։
