Trend.az-ը գրում է, որ այսօր Ադրբեջանի Պաշտպանության նախարարության հայտարարության համաձայն հայկակական կողմից կրակոցներ են հնչել, երբ Ֆիզուլիի շրջանումˋ Ֆիզուլի-Հորադիս ավտոճանապարհի հյուսիսում, ԵԱՀԿ ներկայացուցիչները մոնիտորինգ էին իրականացնում հայ-ադրբեջանական զորքերի շփման գծում:
ՀՀ Պաշտպանության նախարարության մամլո խոսնակ Արծրուն Հովհաննիսյանը Araratnews.am-ի լրագրողի հետ զրույցում նշել է, որ սա Ադրբեջանի հերթական անհեթեթությունը եւ ապատեղեկատվությունն է:
«Եթե այդպիսի դեպք է լինում, ԵԱՀԿ խմբերն են առաջինը արձագանքում եւ հայտարարություն տարածում այդ մասին, իսկ նման բան չի եղել»,-ասել է Հովհաննիսյանը Araratnews.am-ին եւ հավելել, որ Ադրբեջանի Պաշտպանության նախարարությունը իրավունք չուներ նման հայտարարություն անելու:
