ԱՄՆ պետքարտուղար Ջոն Քերին հավանության է արժանացրել ԵՄ որոշումն առ այն, որ այսուհետ թույլատրվելու է իրանական նավթամթերքի ներմուծումը, ինչպես նաև եվրոպական երկրների և Իրանի միջև ոսկու և թանկարժեք մետաղների առևտուրը։ Այս մասին հայտնում է France Presse-ը։
Նշվում է, որ Քերին կողմ է սույն որոշմանը, քանի որ Ատոմային էներգիայի միջազգային գործակալությունը (ՄԱԳԱՏԷ) հայտնել է, որ Իրանը սկսել է իրականացնել ժնևյան համաժողովում ստանձնած պարտավորությունները։
«Իրանը սկսել է հստակ քայլեր իրականացնել իր միջուկային ծրագիրը դադարեցնելու ուղղությամբ», — հայտարարել է ԱՄՆ պետդեպարտամենտի ներկայացուցիչ Ջեն Փսակին։
