ԱՄՆ-ում հայտնաբերվել է Ստրադիվարիուսի գողացված ջութակը։ Այս մասին հաղորդում է Associated Press գործակալությունը։
Այն հայտնաբերվել է իր պատյանով՝ ջութակը գողանալու մեջ մեղադրվող տղամարդկանցից մեկի ավտոտնակում։ Ավելի վաղ հաղորդվել էր, որ ամերիկյան Վիսքոնսին նահանգի Միլուոքի քաղաքում ջութակը գողանալու մեղադրանքով ձերբակալվել էին երեք տղամարդ և մեկ կին։
1715 թվականին ստեղծված ջութակը պատկանում էր Միլուոքիի սիմֆոնիկ նվագախմբի կոնցերտմեյստերին, այն գողացվել էր զինված հարձակման արդյունքում։
