ԱՄՆ կառավարությունը թույլատրել է ընկերություններին հում նավթ արտահանել Եվրոպա: Վերջին 6 տարիներին ամերիկյան ընկերությունները նման գործարքներ չէին իրականացրել: Առևտրի նախարարությունը 2 արտոնագիր է տրամադրել Մեծ Բրիտանիա և Իտալիա նավթ արտահանելու համար:
Ընդհանուր առմամբ` բոլոր առաքումների ընդհանուր գումարը կկազմի 7 մլրդ դոլար: Ավելի վաղ, ԱՄՆ-ի առևտրային պալատը կոչ էր արել պետությանն ամբողջությամբ հանել արտահանման արգելքը: Լոբբիստական այլ կազմակերպություններ նախկինում նույնպես դիմել են իշխանություններին նման խնդրանքով:
ԱՄՆ-ից նավթի ազատ արտահանումն արգելվել էր 1975 թվականին, որպեսզի հնարավոր լիներ մեծ պաշարներ կուտակել երկրի ներսում և թույլ չտալ գների բարձրացում: Ներկայում ԱՄՆ-ն ավելի է մեծացնում նավթի արդյունահանումը երկրի ներսում և թուլացնում է կախվածությունն արտաքին շուկաներից:
Անցած տարի ԱՄՆ-ում օրական արդյունահանվել է 7,5 մլն բարել նավթ, ինչը մեկ միլիոնով ավել է 2012-ի ցուցանիշից:
