ՀՀ Կառավարության այսօրվա նիստին վարչապետ Հովիկ Աբրահամյանը անդրադարձավ «Ժամանակավոր անաշախատունակության մասին» օրենքի փոփոխություններին և դրա շուրջ բարձրացած դժգոհություններին հղիների շրջանում:
«Բազմաթիվ դժգոհություններ կան այս օրենքի շուրջ: Ամեն ինչ պետք է անենք, որ որևէ հղի կին չտուժի: Սա ընդունեքˋ որպես հիմք: Կառավարությունը չի գնալու որևէ քայլի, որի արդյունքում կտուժեն հղի կանայք: Սա պետք է հաշվի առնենք»,-ասաց վարչապետը ՀՀ աշխատանքի և սոցիալական հարցերի նախարար Արտեմ Ասատրյանին:
Նախարարը ասաց, որ հանրային քննարկումների ժամանակ, որոնք այս ընթացքում տեղի են ունեցել, բավականին լավ առաջարկներ են հնչել:
«Եթե ներկայացնենք այդ առաջարկությունները, ես դրանք բավականին արդյունավետ եմ համարում: Վերջնականապես նախագծի տարբերակը եկող շաբաթ Ձեզ կներակայացնենք»,-ասաց Ասատրյանը:
Հիշեցնենք, որ ըստ նախարարության ներկայացրած օրինագծիˋ աշխատող հղիների հետծննդյան նպաստը կրճատվելու է, որպեսզի այդտեղից փոխհատուցվի չաշխատող հղիների նպաստը:
