Զինված հարձակում Անխել դի Մարիայի տան վրա

Երեկ անհայտ անձինք հարձակում են գործել «Մանչեսթեր Յունայթեդի» առաջատար ֆուտբոլիստներից մեկի՝ Անխել դի Մարիայի տան վրա։ Այս մասին գրում է The Daily Mail-ը։

Միջադեպը տեղի է ունեցել «Լեսթերի» հետ խաղից հետո, որում մանկունիանցիները հաղթել է 3։1 հաշվով։ Անհայտ անձինք կոտրել են Անխել դի Մարիայի տան պատուհանը, ինչից հետո տագնապի ազդանշանն է միացել։ Հանցագործները լքել են բնակարանը։

Ոստիկանությունն Անխել դի Մարիային և նրա ընտանիքին տեղափոխել է այդ բնակարանից, այնուհետև նրանք տեղավորվել են հյուրանոցում։