ՌԴ Պետդումայի պատգամավոր Վլադիմիր Ժիրինովսկին անձրևոտ եղանակին աշխատանքի է գնացել հեծանիվով, հայտնում են ռուսական լրատվամիջոցները:
«Գրողի ծոցն ուղարկել ջիփերը: Էժան հեծանիվն արժե 15 հազար ռուբլի, կան ավելի թանկերը: Կարևորն այն է, որ դա անձնական տրանսպորտ է, իսկ պատգամավորները ծույլ են: Ո՞ւր է Զյուգանովը, ինչո՞ւ նա չի երթևեկում հեծանիվով: Միրոնովը քար է հավաքում, իսկ «Միասնական Ռուսաստանը» ընտրություններով է զբաղված: Նրանք հաբռգել են, մոռացել են, թե ինչ է հեծանիվը»,- հեծանվային ակցիայի ժամանակ հայտարարել է Ժիրինովսկին:
Նշվում է, որ Ժիրինովսկու կուսակցության մնացած անդամները նույնպես աշխատանքի են գնացել հեծանիվով:
«Այսօր ամբողջ մեր խմբակցությունը ղեկավար Վլադիմիր Ժիրինովսկու առաջնորդությամբ Դումա են ժամանել հեծանիվներով, չմուշկներով, ինքնաշարժերով և այլ էկոլոգիական, հարմարավետ տրանսպորտով: Ամբողջությամբ թրջվել եմ, բայց` ոչինչ»,- ասել է պատգամավոր Միխաիլ Դեգտյարովը:
