Սահմանադրական փոփոխությունների հարցը քննարկելու նպատակով այս պահին «Ժառանգություն» կուսակցությունը որևէ հրավեր նախագահականից չի ստացել: Այս մասին Araratnews.am-ին ասաց կուսակցության փոխնախագահ Արմեն Մարտիրոսյանը:
«Երբ հրավերը լինի, այդ ժամանակ էլ կքննարկենք մասնակցենք, թե՞ ոչ»,- ասաց պարոն Մարտիրոսյանը:
«Ժառանգություն» կուսակցության փոխնախագահն ասում է՝ իրենց կուսակցությունն ունի հստակ դիրքորոշում՝ պետք է միասնական ճակատ ձևավորել եւ միասանական պայքարել Սահմանադրության փոփոխման դեմ, որի արդյունքում, ըստ պարոն Մարտիրոսյանի, երկրում կձևավորվի միակուսակցական համակարգ:
Նշենք, որ խորհրդարանական ուժերից նախագահ Սերժ Սարգսյանի հետ հանդիպման հրավեր ստացած ՀՅԴ-ն, ՕԵԿ-ը, ԲՀԿ-ն պատրաստակամություն են հայտնել մասնակցել քննարկմանը: ՀԱԿ-ը դեռեւս միակ խորհրդարանական ուժն է, որը մերժել է քննարկման հրավերը:
